Bo‘lajak ingliz tili o‘qituvchilarida aqlli texnologiyalardan foydalanish ko‘nikmasini rivojlantirish tayyorgarligining mazmuni, tuzilishi va ilmiy-nazariy jihati

Mazkur maqolada bo‘lajak ingliz tili o‘qituvchilarining aqlli texnologiyalar bilan ishlashga tayyorgarligini shakllantirish masalasi yoritiladi. Unda raqamli ta’lim muhiti, virtual va kengaytirilgan reallik, onlayn simulyatorlar, bulutli texnologiyalar hamda interaktiv vositalarning lingvistik kompetensiyani rivojlantirishdagi ahamiyati tahlil qilinadi. Shuningdek, maqolada kasbiy tayyorgarlikning motivatsion, kognitiv va faoliyatga oid komponentlari ko‘rib chiqilib, o‘qituvchining innovatsion faoliyatga tayyorligi zamonaviy ta’lim sifatini oshirishning muhim sharti sifatida baholanadi. Tadqiqotda aqlli texnologiyalarni samarali qo‘llash uchun bo‘lajak o‘qituvchilarda raqamli pedagogik kompetensiya, metodik moslashuvchanlik, tanqidiy tahlil va refleksiv yondashuv shakllangan bo‘lishi zarurligi asoslanadi.