Boshlang‘ich yapon tili darslarida ai-chatbotlardan foydalanishning didaktik imkoniyatlari va amaliy samaradorligi
Annotatsiya
Ushbu maqolada universitetning boshlang‘ich darajadagi yapon tili darslarida AI-chatbotlardan foydalanishning didaktik imkoniyatlari va amaliy samaradorligi ilmiy-metodik nuqtai nazardan tahlil qilinadi. So‘nggi yillarda generativ sun’iy intellekt texnologiyalari ta’lim, xususan, til o‘qitish jarayoniga faol kirib kelmoqda. Xorijiy til sifatida yapon tilini o‘qitishdagi amaliy tajribalar hali yetarli darajada shakllanmagan. Shu sababli mazkur maqolada AI-chatbotlarning boshlang‘ich yapon tili ta’limidagi o‘rni, ularning talabalar mustaqil ta’limiga ta’siri, til va madaniyatni o‘zlashtirishdagi yordamchi funksiyalari tahlil qilindi. Natijalar chatbotlar lug‘at o‘rganish, yapon tili grammatikasini tushunish, hiragana va katakana yozuvlarini mustahkamlashda foydali vosita bo‘lishi mumkinligini ko‘rsatdi. Maqolada AI-chatbotlarni yapon tili o‘qitish jarayoniga maqsadli, nazoratli va akademik halollik tamoyillariga mos holda integratsiya qilish zarurligi asoslanadi.