“Kuntug‘emish” dostonida farzand obrazlari va oilaviy butunlik g‘oyasi

Maqolada “Kuntug‘mish” dostonida farzand obrazlari, xususan, Gurkiboy va Mohiboy timsollarining oilaviy butunlik g‘oyasini ochishdagi badiiy vazifasi tahlil qilinadi. Tadqiqotda farzand obrazi shunchaki nasl davomchisi sifatida emas, balki ota-onalik mas’uliyati, aka-ukalik sadoqati, nasliy xotira, ayriliq fojiasi va oilaning qayta tiklanishi bilan bog‘liq markaziy poetik birlik sifatida talqin etiladi. Doston matnidagi empirik epizodlar - Xolbekaning ikki o‘g‘il tug‘ishi, Kuntug‘mishning farzandlaridan ayrilishi, Gurkiboy va Mohiboy nomlarining kelib chiqishi, aka-ukalarning dor ostidagi fidoyiligi hamda oilaning qayta birlashuvi - asosiy tahlil materiali sifatida olinadi.