Postkolonial romanlarda til, madaniyat va identitet muammosi: lingvistik tahlil

Mazkur maqolada postkolonial romanlarda til, madaniyat va identitet muammosi lingvistik nuqtai nazardan tahlil qilinadi. Tadqiqotda postkolonial adabiyotning asosiy xususiyatlari, xususan, mustamlakachilik merosining til va madaniyatga ta’siri hamda identitetning shakllanish jarayoni yoritiladi. Maqolada til nafaqat kommunikativ vosita, balki madaniy va ideologik kuch sifatida ham ko‘rib chiqiladi. Shuningdek, postkolonial romanlarda gibridlik, kod-almashish va madaniyatlararo o‘zaro ta’sir kabi lingvistik hodisalar identitet muammosi bilan bog‘liq holda tahlil qilinadi. Tadqiqot natijalari postkolonial adabiyotda identitetning doimiy o‘zgaruvchan va ko‘p qatlamli jarayon ekanligini ko‘rsatadi.