Ingliz va o‘zbek ma’rifatparvarlik va islohot an’analarini shakllantirgan umumiy va farqli omillarning qiyosiy-tipologik tahlili

Mazkur maqolada ingliz va o‘zbek ma’rifatparvarlik hamda islohot an’analarini shakllantirgan umumiy va farqli omillar qiyosiy-tipologik jihatdan tahlil qilinadi. Ingliz ma’rifatparvarligi Yevropa Uyg‘onish davri, reformatsiya, ilmiy inqilob, empirizm, parlamentarizm, sanoatlashuv va fuqarolik jamiyati rivoji bilan bog‘liq holda, o‘zbek ma’rifatparvarligi esa Turkiston jadidchiligi, mustamlakachilik sharoiti, ta’lim islohoti, milliy uyg‘onish, matbuot va teatr faoliyati bilan bog‘liq holda o‘rganiladi. Tahlil natijasida har ikki an’ananing umumiy jihatlari ta’limni yangilash, jaholatga qarshi kurash, insonni kamolga yetkazish va adabiyot orqali jamiyatga ta’sir o‘tkazishda, farqli jihatlari esa tarixiy sharoit, siyosiy institutlar, falsafiy asoslar va islohot strategiyalarida namoyon bo‘lishi asoslanadi.