Okkazional frazeologiyaning nazariy asoslari va differensial belgilari

Ushbu maqolada okkazional frazeologiyaning nazariy asoslari, uning uzuallik bilan munosabati, differensial belgilari hamda metodologik tavsif prinsiplari yoritiladi. Tadqiqotning maqsadi okkazional frazeologiyani mustaqil ilmiy tushuncha sifatida sharhlash, uning asosiy kategorial ko‘rsatkichlarini aniqlash va zamonaviy frazeologiya doirasidagi o‘rnini belgilashdan iborat. Ishda tavsifiy, komponent, qiyosiy va kontekstual tahlil metodlari qo‘llandi. Natijada okkazional frazeologiyaning prototiplilik, modifikatsionlik, kontekstga qaramlik va pragmatik faollik kabi belgilari tizimlashtirildi. Maqolaning ilmiy yangiligi nazariy mezonlarni integrallashgan modelga birlashtirishidadir.