Talabalarda critical thinking ko‘nikmalarini rivojlantirishda ingliz tili darslarining roli

Mazkur maqolada ingliz tili darslari jarayonida talabalarda tanqidiy fikrlash (critical thinking) ko‘nikmalarini shakllantirishning nazariy va amaliy jihatlari tahlil qilinadi. Zamonaviy ta’lim tizimida faqat bilim berish emas, balki mustaqil fikrlash, muammolarni tahlil qilish va qaror qabul qilish ko‘nikmalarini rivojlantirish muhim ahamiyat kasb etmoqda. Tadqiqot davomida ingliz tili darslarida qo‘llaniladigan interaktiv metodlar, muhokama, debat, muammoli vaziyatlar va tahliliy mashqlar talabalarning tanqidiy fikrlash qobiliyatiga qanday ta’sir ko‘rsatishi o‘rganildi. Kvantitativ va sifat tahlillari natijasida ingliz tili darslarida kommunikativ va analitik faoliyatga asoslangan metodlar qo‘llanilganda talabalar fikrlash darajasi sezilarli darajada oshishi aniqlangan. Shuningdek, maqolada o‘qituvchining roli, pedagogik strategiyalar va innovatsion yondashuvlarning ahamiyati yoritilgan. Tadqiqot natijalari ingliz tilini o‘qitish orqali critical thinking ko‘nikmalarini rivojlantirishning samarali yo‘llarini taklif etadi.