Kommunikativ muloqotga oid nazariy va pragmatik yondashuvlar

Mazkur ilmiy maqolada kommunikativ muloqotning nazariy-pragmatik asoslari hamda muloqot jarayonida axborotning uzatilishi va qabul qilinishi bilan bog‘liq lingvopragmatik masalalar tahlil qilinadi. Tadqiqotda so‘zlovchi va tinglovchi o‘rtasidagi kommunikativ munosabatlarning o‘ziga xos xususiyatlari, axborotni kodlash va dekodlash jarayonlarida yuzaga keladigan tafovutlar hamda ularning muloqot samaradorligiga ta’siri yoritiladi. Shuningdek, mazkur jarayonlar pragmatik nutqiy aktlar nazariyasi doirasida tavsiflanib, kommunikativ maqsad, nutqiy strategiya va adresat omilining muloqot mazmunini shakllantirishdagi ahamiyati ilmiy-nazariy jihatdan asoslanadi.