Rus va oʼzbek tillarining qiyosiy tahlili: Grammatika, leksika, fonetika
Аннотация
Ushbu maqolada tuzilish jihatidan bir-biridan keskin farq qiluvchi ikki til — slavyan guruhiga kiruvchi rus tili va turkiy oilaga mansub oʼzbek tilining fonetik, leksik va grammatik oʼziga xosliklari solishtirma metod asosida tahlil etilgan. Tadqiqot jarayonida tillarning agglyutinativ (oʼzbek tili) hamda flektiv (rus tili) xususiyati, ularga xos kelishik tizimi, feʼllarning nisbat shakllari va gapdagi soʼz joylashuvi kabi grammatik tafovutlar ochib berilgan. Shuningdek, fonetika sohasidagi urgʼu va singarmonizm, leksik qatlamdagi boshqa tillardan oʼtgan soʼzlar va ulardagi maʼno farqlari oʼrganilgan. Mazkur ishning amaliy ahamiyati ikkinchi til oʼqitish usullari, tarjimonlik amaliyoti hamda chogʼishtirma tilshunoslik yoʼnalishlarida aniq koʼzga tashlanadi.